صدفة وحبيتلي عراقية

من طرف KING الإثنين أبريل 28, 2008 7:30 pm

صدفة اشلون صدفه بهذاك اليوم
بلانترنيت وفتحت كامرة بنية...
وأعذروني ما شفت بالبشر هل أوصاف
مو بنت اليگول تگول حورية...
حجت وياية صدفة خلتني اعبد النت
نهاري صار ليل وليلي صار ظهرية...
گااااااااالتلي أنت منين؟ گلت من العراق
گلتلها وأنتي ؟ گالت عراقية...
گلتلها والله توقعت من أهل العراق
يا تاج العراق ونعم أهالية...
گلتلها أنتي منين من العراق ؟
گالتلي من بغداد واصلي فلوجيه...
گلتلها شسمچ ؟ گالتلي هبه
گلتلها هبه ؟ لعد شنو المو هبه...
گالتلي گبل لا تسأل خل اگلك شي !
أنت شجابك عليه شعرفك بيه ؟...
گلتلها حظي وبس هل مره صاب وياية
مثل جاهل فقير انطوه عيدية...
أحس واكع بحبها واعرفها من سنين
أو وياية تغفه تنام ليلية...
يااااا طولها چنه برج الجزيرة تگول
ويا وجه الگمر أبنوره وبضية...
شحجيلك عالشعر ؟؟ عله طوله ؟؟ لو عاللون ؟
يسطر سطر چن اتگول زولية...
بيها هواية شغلات وما تنوصف هينوب
تلم حسن العراق بشمسة وبفية...
تلم كرم الجنوب وطيب كردستان
ومن حسن بغداد اخذت شوية...
حيرني امرها تهت كلش بيه
وأرد اعرف فضول ومن ياعمام هيه ؟...
ويمكن لان هذا الوضع علمنه شغلات
وماكو فرق لو حته هندية...
گلتلها أنتي منين ومن يا عمام؟
ظحكت وگالت ما اگول واحنه بزمن حرية...
گلتلها لا والله بس حب الفضول
گالتلي نعيمي ابوية وامي عبيديه...
واني تبسمرت و وكع الگلب بالگاع
فوگ كل هل خصال النوب تطلع بنت عمي هيه