رساله من مواطن عراقي الى نوري المالكي

الموضوع هو عباره عن قصيده من مواطن عراقي الى رئيس الوزراء نوري ال

يكول صاحبنه بقصيدته:

احم احم,

يارئيس الوزراء رحمه للعباس سوي الكهرباء
الكهرباء لعبت نفسي لو تطب الضهر عدنه تشوف:
الاوادم مجطله جنها تبسي وعندي واحد من اخوتي لو تشوفه تكول جنه عبسي
والمشكله انه ببوي تدري بيه حجي جبير يعني كاعد,الحجي كل ربع ساعه وسألني عن التقاعد
هاي زين.شوف حاله شلون من تطفه القوه وهي شرجي وواكفه ماكو مولد يعني من كد الحراره
تشوف حجينه التوه وين اهل الرحم صاح رحمه للعباس شغلولي هوه بعد ما اصبر ثواني
واني وامي وكل اخوتي انهفي كمنه بلصواني الي ماي يهفي يدكله تنكه
واني شغلي بطليته واشتغل للحجي بنكه وانت شوف اشلون عيشه بس اروح اشويه غاد
صاح حجينه شو بعد ناقص ريشه
وطاح متني من التهفي وطلع بعيوني حمار(يعني حمره)
ونوب فوك كل هذه الضيم يكول الهوه حار كتله قابل سبلت اني انت متشوف المصيبه كاعد انهفي بصواني
شلون اشد بضهري حلفه
وحط واتر بم بذاني
وحط سربس بصدري
وذا صار الهوه حار بصونده ورشولي ضهري