شعر غزل مو طبيعي

من طرف KING الثلاثاء أبريل 08, 2008 5:02 am

امس طيفك حبيبي توسد وياي
واحس شعرك علية وبيه تغطيت
واحس ايدك غصن ويدغدغ اكفاي
ونغم بلبل تناغة وبية تغنيت
وامس شوكك حبيبي تناوش اغطاي
وتفز بية المسافة شما تدنيت
وامس سلمتك انه الكلمة والراي
وتحققلي الاماني شكد تمنيت
وامس عطشان شفتك جابت الماي
وطعم شفتك حبيبي البيه ترويت
وامس محلاه امس من يمشي بهداي
بمحطة صدرك اني هواي تانيت
وامد ايدي بركبتك واعزف الناي
ويحن بينة اللحن ويرجف البيت
وارد بطور شفتك حيل عناي
وشفت شهكات حسنك من تعنيت
ونسمعة ايسولف احنة الراح والجاي
ويصد بينة الصدى ونطشة جكليت
مرضني الغزل مر موعد ادواي
تشربني بلسانك عود مليت
ربك من خلق هم منك اهواي
اسمك غار منك من تسميت
الك عين اتلو ن وقسم بهاي
وخظارالعين اشارة ومنة مريت
الراي اختلف ظل دايخ الراي
عفت حتة الجواب بدوختة وجيت
نفس الطبع مالي ونفسة ملكاي
بحضني انتة حبيبي وما تعافيت
بحلكة احلة السوالف كلمة الباي
وكثر كلمة حبيبي الكلمة حبيت