تزعل ليش!!!!!!!!احبك مووووووووووووووت

من طرف KING السبت أبريل 12, 2008 8:51 pm

تزعل ليش

!!! )) الى حبيبي الذي لااستطيع ان اعيش بدونه

--------------------------------------------------------------------------------

اصبر الروح بيش وانته بيه الروح

واذا تطلع اظلن بس جسد خالي

لكيتك من جنت مالاكي كل الناس

انته اول محب ونته الصرت تالي

يالكلك محبه وانته احن مخلوق

معقوله الحمامه اتصير كتالي

صح ماكو بجمالك انه ادري بهاي

وروجة رقتك ماكظهه كل جالي

حرام اعليك تزعل ونته تزعل ليش؟

اجيك انه اعتذر وبلا ذنب خالي

غالي وكلشي عندي ومااهدك دوم

وغالي وهسه احبك جي صرت غالي

احسك تختلف عن كل بقيت الناس

بعيوني اشوفك عالنجم عالي

واشوفن دمعتك ماجنهه تنزل ماي

ذهب تنزل دمعتك تجدح اتلالي

الك بستان عمري بكل ثمن مزروع

راضي بكل شي منك كلشي يحلالي

اجيك ومن ارد فارغ ارد للغير

وعنب بس اعله مودك تارس اسلالي

يمك انسه روحي ومن اكون وياك

وعلى فنجان شفتك تركع ادلالي

000وزعلك

الواشي بلا بخت مرني وزعلك

واموت ولا اجرحنك وزعلك

حلو كلك على بعضك وزعلك

بحلاتك فدوه بس ارضى عليه

تعال الخاطر الله وخل اشبكك حيل

وشوف اشراح تاخذ منك الشبكه

تعال ابماي طيبك بيه طفي النار

تعال اعليه لحك حركتك حركه

شكل الكلبي باجر حصته راحت وين

ومن كدام عينه وينوخذ حكه

ترس اذني سمعتك صفكت للغير

مو من غير جفك طلعت الصفكه!!

كلبي اعليك جان وبعده يبجي اعليك

ولا توصل حبيبي الذره من عشكه

ماحبيت غيرك لاهويت ابيوم

ولا فديوم راسي الغيرك امدنكه

بعدني اهتز واطيحن من يمر طرواك

واحسك من تمر نسمة هوه وشهكه

نخل حبي طويل وعثكه مايلاح

وبس بحظن كلبك امنت عثكه

من تمركم

الحلاوه البك يسمر من تمركم

وروحي اتذوب يمكم من تمركم

ادوخ امن ارد احسبك من تمر كم؟؟

واحد بس اشوفك تسعميه

_________
لحظه المااشوفك كلشي عندي يضيع

مو من عمري هاي اللحظه محسوبه

مانامن بعد خليني اباوع بيك !!!!!!

اعيوني الشوفتك جم عام مطلوبه