ام كلثوم بالعراق

من طرف **رقة الاحساس** الجمعة أبريل 18, 2008 2:48 am

زيارة ام كلثوم الى العراق

ام كلثوم بالعراق Tvsupplement.366186

زارت الفنانه المصريه الميته ام كلثوم العراق عن طرق عمان - بغداد بسياره جيمسي ان الخمس نفرات
جان وياها السنباطي وبليغ حمدي وخظير هادي والراكب الاخير جان ارهابي جاي من الاردن كالها اروح
وياكم عندي عمليه استشهاديه عاد ام كلثوم كالت اله

ومن دخلت ام كلثوم طريبيل باتجاه بغداد الطريق طويل فكامت تغني لبغداد بعيد عنك حياتي عذاب متبعدنيش
بعيد عنك ماليش غير الدموع احباب غلبني الشوق وغلبني غلبني وليل البعد ذوبني ومهما البعد حيرني ومهما
الشوق سهرني لا طول البعد يغرني ولا الايام تغيرني بعيد عنك

وصلت ام كلثوم الى بغداد وبطريقها للفندق وكفتها سيطره مال جيش المهدي ومن شافتهم ام كلثوم
وجان تغني ياحبيبي ياروح قلبي ياملاكي ياروح قلبي انا كنت ايه قبلك ما اشوفك انا كنت ايه
طريق حياتي مشيته قبلك ليل طويل ولا حد جنبي يحس بيه واول ماشفتك بكل شوق الدنيا لئيتني
مشدوده اليك مشدوده اليك

عاد هذا ابو جيش المهدي كالها ام كلثوم اكيد صدريه وعبد الحليم حافظ الخبل بدري يغني لعمار الحكيم
يوم كان حبك اجمل صدفه الخبل فوتي سيده ام كلثوم فدوه لاسمج صدريه والنعم

ودخلت ام كلثوم الفندق طبعا الفندق الكهرباء مطفيه وابو المولده ماعنده كاز ابو الفندق كال لام كلثوم
تره بالعراق الكهرباء تعبانه لانه وزارة الكهرباء عدنه صار شعارها لسه فاكر الوزاره تنطيك كهرباء
لسه فاكر ده كان زمان كان زمان يازمال

عاد ام كلثوم كالت مو مشكله الكهرباء والحر اني عندي المنديل مالتي دائما بيدي انت شايفه
بالحفلات دائما احطه بيدي عودك من اعرك امسح بيه العرق بس هسه اريد انام وين الغرفه

راحت ام كلثوم تنام وصار الليل وغفت نامت كوكب الشرق في بغداد اعيدها كوكب الشرق
في بغداد او هي بغداد نفس الشئ نامت ام كلثوم وبنص الليل جان يصير انفجار مفخخه
بالشارع مال الفندق وجان ام كلثوم اتفز من نومتها مخروعه من الخرعه كامت تغني
البرتقاله عذبتي حاله البرتقاله عذبتي حاله خطيه من الخرعه كامت تغني سويحلي
وجان تركض على غرفة الفصبجي اي شواربه مثل شوارب هتلر وخطيه من الانفجار
وكعت هاي النقطه الشوارب من حلكه وكعد يدور عليها واجتي ام كلثوم مخروعه
تكله اكلك اني بالطريق الى بغداد شنو جنت اغني مو بعيد عنك حياتي عذاب اكلك
مو جنت خبله وكتها ولك يابعد عن بغداد عذاب شفت شلون انفجار على مقام النهاوند

وصار الصبح واجه وفد من الحكومه علمود تقابل دلال الطالباني وحليمه المالكي
العفو تقابل جلال الطالباني وجواد المالكي المهم الوفد جان ضخم وجبير كلش
حتى ام كلثوم كالت شدعوه كلها جايه وفد حوالي يتكون من 700 نفر كلها جايه
تاخذ ام كلثوم الى المنطقه الخظراء وبعدين لبست ام كلثوم حتى تروح وي الوفد
بس بعدين عرفت ام كلثوم انه الوفد يتكون من موفق الربيعي وبس والباقي كلها
حرس علمود موفق الربيعي يعني الوفد موفق الربيعي مع 699 من رجال الحرس
يصير المجموع كله 700 عاد ام كلثوم من عرفت كالت هنيالج الي بيتج على الشط
واكبال بيتج يلعب البط

وصلت للمنطقه الخظراء ام كلثوم وهاي منطقه تحرسها الامريكان وشركات امن امريكيه
لانه حماة الوطن العراقي يحرسهم رجال امن امريكان المهم اجه امريكي يفتش ام كلثوم
بس ام كلثوم رفظت كالت محد يفتشني من الامريكان الا مايكل جاكسون او خال برتني سبيرز الامريكه
لانه اني فنانه وهمه فنانين ولازم فنانين عاد موفق الربيعي خابر بالموبايل على وزير التربيه وكاله اله
بلكت ادزنه فد وحده من الفنانات عاد وزير التربيه كال ماعندي بس كاوليه جاي تقدم على دراسات بس
ماجايبه تزكيه من حزب علمود امشي شغلتها عاد موفق كال اله خويه مشي شغلتها بس دزها هسه
للمنطقه الخظراء

واجتي فتاة الريف وقدمها لام كلثوم على انها الفنانه القديره صديقه الملايه عاد ام كلثوم من سمعت
بالملايه كالت شنو هذا تيار جديد غير حركه ثار الله بالبصره عاد موفق كال الها لا الملايه فن
من فنون التشكيليه لو نحت لو رسم ما اعرف بالظبط لانه اني طبيب بشري حطوني مدير الامن القومي
بالعراق شلون ما اعرف

ونكمل القصه لاحقا من زيارة ام كلثوم الى العراق قصه الي شفتوه ئبل ماتشوفك عينيه عمري ضايع
يحسبوه ازاي عليه انت عمري الي ابتده بالديمقراطيه صباحوا انت عمري

من طرف manoosh الجمعة أبريل 18, 2008 10:59 pm

هههههههههههههه
شكرا

ام كلثوم بالعراق

ام كلثوم بالعراق

رد: ام كلثوم بالعراق