ابوذيــــــــــــــــــــــــــــــــــــات

من طرف KING السبت أبريل 19, 2008 7:13 pm

ابد مايوم كلبي الفرح طبله
معلعل ما لكه ياناس طبله
ثنه ركبه زماني ودكله طبله
وكض سبحه وركص جوبي عليه
*************************
الكلب ما باع من حبه ولك باع
ولك خبره بوسط روحي ولك باع
تريد تروح وتهاجر ولك باع
اذا هاجرت والله تعم عليه
***********************
الفرح من يوم غبتو فاركاني
وكبل بؤل شبابي فاركاني
لجن هسه عليكم فاركاني
اديه ثنينهن والعب بيه
***********************
نسيت انه المصايب مانسني
وليالي الفرح ابدا ما نَسَني
تكلي سني انته؟ مانسني
عراقي وافتخر باجمل هويه
**********************
عراقيين احنه وطر فجرنا
وشكم عبوه بهمر احنه فجرنا
لونك رايد اتجرنه فجرنا
ما ننجر ابد للطائفيه
********************