هدية للاخ العزيز ملك(ابوذيات)

من طرف **رقة الاحساس** الأحد أبريل 20, 2008 3:28 am

حبك ربطني وعمره منحل
مثل اللغزحاولت احله منحل
نحله واذبلك عسل من غير منحل
يلي انت احلى من العسل والسمسميه
*********************************
الله من الگمر خالق وجه لك
أشلون أنساك يمعود وجهلك
أفكر بيك بكماطك وجهلك
وأحبك وأنت تلعب ليه ليه
********************************
يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه
************************
غرامك فتت المهجه وسلها
وسهم غدرك مرد روحي وسلها
نجوم ليلك حلفها وسلها
ماحب غيرك لاخر نفس بيـه
*************************
حبك بالكَلب حافر وناقش
وصرت نيران تحركَني وانا قش
اريد اكَعد وياك احچي واناقش
واكَلك لشوكت تقسي عليه

************************
احبك واعتذر منك وناسف
جمال ابروحك امغربل وناسف
احط ابروحي تي ان تي وناسف
وافجر روحي اذا تزعل علية
************************

المصبح انشده عليك والماس
عزيز واغلى من الذهب والماس
لون اكعد سويعة وياك والماس
ذرة فكارك ابره من المنية
********************