ضمني بين الأهداب

ضمني بين الأهداب

ابيك تدري صوتك العذب لا غاب= احس نفسي تنكسر من غيابه
كذا غيابك للحزن يفتح ابواب= غصب عليّ البس شقاه وثيابه
ادمنت صوتك وإن تثيقلت كذاب= من يعشقك لا غبت يفقد صوابه
لك صوت يسري بي متاهات وإعجاب= من رقته كل الجوارح تهابه
لك وحشةٍ تلفنّي شوق وعتاب= وإن جيت تسكني حنان وطرابه
علمتني إن الوفاء طبع الاحباب= ورسمت عمري وردتين وسحابه
ما انته بعادي كل ما فيك جذاب= كلك على بعضك خيال وحلاوه
لا مر صوتك تالي الليل منساب= فرشت له صدري قصيد وربابه
سوالفك تفنى بها كل الاتعاب= لا رخت على قلبي صدوق الاجابه
مثل المطر لا من تبسم للأعشاب= من ضحكته يغسل غبار الكآبه
خذني بصوتك ضمني بين الاهداب= عمري بدونك ما اتحمل عذابه

منقول