دارميات لعيونكم

من طرف ابو سنون الإثنين مايو 12, 2008 8:58 pm

الك بايع دليلي وانت حر بي
اموت انه بجمالك وانتحر بي
اذا غيري يحبك انتحر بي
لان مخصوص حبك بس اليه

هام العقل من شوكك وجن بيك
وشبيه الكمر من يضون وجن بيك
ابوسك لو يحبسوني واجن بيك
اوامر من وزير الداخليه

تدري الروح ابد ما عافت هواها
تظل وردة وبس انت هواها
وحك الي سخر الريح وهواها
تظل غالي وعزيز انت عليه

حبك بالضلع بسمار مندك
احس كلبي يسولف بيك مندك
كمت اركض على النقال من دك
لان ادري حبيبي اتصل بيه

شمالي وياك ما شراك هوانه
هويتك يا حلو هم كلبك هوانه
ترى اكثر واحد يحبك هو انه
واعزك وانت تدلل عليه

قدر مكتوب حبك وانته قسمه
الواحد مال ناتج من تقسمه
لون بسيوف كلبي من تقسمه
تشوفك معزتك شمسويه بيه

الشامت لا تأمل بجيته ونسته
وكلبي بس وياك تحلى ونسته
وحلاوة ايطاليا بتوتي ونسته
وكتوزة يكسر وكله اذيه

اني اول احبك واخراني
وسبب عطلتي اجيلك اخراني
الكلب من ردت احضنك وخراني
فز مني يحضنك قبل اديه

نصحت الكلب من حبك ولا فاد
وجويته بنار كلبي ولا فاد
شكثر علاج جابولي ولا فاد
دواه انت يالبعيد عليه

اذا مره تمر اني مرات
وليالي الهجر صدك حيل مرات
اكله هم تجي يكول مرات
ولا مرة فضل منك عليه